DÜNYA


İtaliyada 4,4 bal gücündə növbəti zəlzələ baş verib

A+ A

Bakı, 28 avqust, AZƏRTAC

İtaliyanın mərkəzi hissəsində 4,4 bal gücündə növbəti zəlzələ qeydə alınıb.

AZƏRTAC RİA Novosti agentliyinə istinadla xəbər verir ki, yeraltı təkanın episentri Arkauta-del-Tronto şəhəri yaxınlığında, ocağı isə 9 kilometr dərinlikdə yerləşib. Zəlzələ Romada da hiss olunub.

Son məlumatlara görə, İtaliyanın mərkəzi hissəsində avqustun 24-də gecə 6,0 bal gücündə baş vermiş zəlzələ nəticəsində 290 nəfər ölüb, 2 min 500 nəfər evsiz qalıb. Avqustun 24-dən ölkədə seysmoloqlar tərəfindən 1800 yeraltı təkan qeydə alınıb.

Zərərçəkmiş ərazilərdə fövqəladə vəziyyət rejimi tətbiq edilib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.