ELM VƏ TƏHSİL


İtaliyada bakteriyalarla işləyən mühərrik ixtira olunub

Bakı, 26 iyul, AZƏRTAC 

İtaliya alimləri həcmi 50 mikronu (0.05 millimetr) keçməyən bakteriyalarla işləyən mühərrik ixtira ediblər. Mühərriki bağırsaq çöpləri işə salır.

AZƏRTAC İtaliya Milli Tədqiqatlar Şurasının Nanotexnologiyalar İnstitutuna istinadla xəbər verir ki, bu elmi müəssisənin alimləri bakteriyaların suda üzmək bacarığından istifadə edərək, gen modifikasiyası vasitəsilə onu təkmilləşdiriblər.

Birhüceyrəli orqanizmlər hərəkətdə olarkən asimmetrik formalı dişləri olan çarxı hərəkətə gətirir və dəqiqədə iki dövr edir. Alimlər işığın köməyi ilə bu prosesə nəzarət üsulunu aşkar ediblər və bu, elmdə əsl sıçrayışdır. Mikromühərrik işıq şüalarının təsiri altında fəaliyyətə başlayır və qaranlıqda dayanır.

Layihənin rəhbəri, fizik Roberto Di Leonardo bildirib ki, bu, tezliklə “bakterial” mühərrikin işini avtomatlaşdırmağa imkan verəcək və onu kompüterə tabe edəcək. Bu ixtira müxtəlif sahələrin işinə töhfə verə bilər və onun, həmçinin tibb sahəsində geniş tətbiqi gözlənilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.