MƏDƏNİYYƏT


İtaliyada beynəlxalq film festivalı çərçivəsində Azərbaycanla bağlı tədbir keçirilib

Roma, 3 avqust, AZƏRTAC

İtaliyanın Ariano İrpino şəhərində 5-ci Ariano Beynəlxalq Film Festivalı çərçivəsində Azərbaycanla bağlı tədbir keçirilib.

Tədbirdə Azərbaycanın İtaliyadakı səfirliyinin əməkdaşı Elmar Bağırov və İtaliya-Azərbaycan Ticarət Palatasının rəhbəri Manuela Traldi çıxış edərək iki ölkə arasında müxtəlif sahələrdə, o cümlədən mədəniyyət sahəsində əlaqələr, ölkəmizin zəngin mədəni irsi, kino ənənələri, iqtisadi və turizm potensialı barədə məlumat veriblər. Sonra Azərbaycanın turizm potensialını əks etdirən videomateriallar göstərilib.

Tədbirin sonunda “Azərbaycanfilm” kinostudiyasının istehsal etdiyi “Nabat” bədii filmi nümayiş etdirilib.

 

Asiman Əsədov

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.