SİYASƏT
İtaliyada zəlzələ nəticəsində həlak olanların xatirəsi bu ölkənin Azərbaycandakı səfirliyində anılıb
Bakı, 30 avqust, AZƏRTAC
İtaliyada zəlzələ nəticəsində çoxsaylı insanın həlak olması ilə əlaqədar avqustun 30-da bu ölkənin Azərbaycandakı səfirliyində xatirə kitabı açılıb.
AZƏRTAC xəbər verir ki, Azərbaycanda fəaliyyət göstərən diplomatik korpusun, ictimaiyyətin nümayəndələri səfirliyə gələrək İtaliya xalqına başsağlığı verib, xatirə kitabına ürək sözlərini yazıblar.
Xatırladaq ki, avqustun 24-də gecə İtaliyanın mərkəzində altı bal gücündə zəlzələ baş verib. Zəlzələ nəticəsində 300-ə yaxın insan həlak olub.