DÜNYA


İtaliyada zəlzələ qurbanlarının xatirəsinə milli matəm elan olunub VİDEO

A+ A

Bakı, 26 avqust, AZƏRTAC

İtaliyanın mərkəzində baş verən dağıdıcı zəlzələ qurbanlarının xatirəsinə avqustun 27-si milli matəm elan edilib.

AZƏRTAC TASS informasiya agentliyinə istinadla xəbər verir ki, həmin gün ölkənin ali rəhbərliyinin nümayəndələrinin iştirakı ilə Askoli-Piçenoda həyatını itirənlərin dəfn mərasimi keçiriləcək.

Xatırladaq ki, avqustun 24-nə keçən gecə yerli vaxtla saat 3:36-da Mərkəzi İtaliyada 6 bal gücündə dağıdıcı zəlzələ baş verib. Yeraltı təkanların episentri Akkumoli şəhəri yaxınlığında, yer səthindən 4 kilometr dərinlikdə yerləşib. Apennin silsiləsinin geniş ərazisini əhatə edən zəlzələ dağlarda yerləşən kiçik şəhərlərdə ciddi dağıntılara səbəb olub.

Son məlumata əsasən, təbii fəlakət nəticəsində aralarında 3 Britaniya vətəndaşının da olduğu 268 nəfər həyatını itirib, 387 nəfər yaralanıb, həmçinin 2 mindən çox insan evsiz-eşiksiz qalıb.

İtaliya rəhbərliyi zəlzələdən zərər çəkən ərazilərdə fövqəladə vəziyyət rejimi elan edib.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.