REGİONLAR


İtaliyalı turistlər Azərbaycanın cənub bölgəsində

Lənkəran, 19 may, Bağır Əliyev, AZƏRTAC

İtaliyanın müxtəlif şəhərlərindən olan 21 nəfərdən ibarət turist heyəti Azərbaycanın cənub bölgəsinə səfər edib.

AZƏRTAC xəbər verir ki, Lənkəran Turizm və İnformasiya Mərkəzi tərəfindən turistlər üçün maraqlı turlar təşkil olunub.

İtaliyalı qonaqlar Lənkəran və Astara rayonlarının füsunkar təbiəti, Hirkan Milli Parkı, çay plantasiyası, çay fabriki, Lənkəran Tarix-Diyarşünaslıq Muzeyi, azərbaycanlıların soyqırımı qurbanlarının xatirəsinə ucaldılmış abidə kompleksi və bölgənin görməli yerləri ilə tanış olublar. Turistlər, həmçinin Lənkəran rayonunun Separadi kəndində “Nənələr” folklor kollektivinin üzvləri ilə də görüşlər. “Nənələr” folklor kollektivinin ifa etdiyi mahnılar qonaqlar tərəfindən maraqla qarşılanıb.

İtaliyalı turistlər cənub bölgəsinə ikigünlük səfərdən məmnun olduqlarını bildirib, yenidən buraya gəlmək arzularını ifadə ediblər.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.