İQTİSADİYYAT


İyulda 102 min 485 avtonəqliyyat vasitəsi icbari sığortaya cəlb edilib

A+ A

Bakı, 1 avqust, AZƏRTAC

Bu ilin iyul ayı ərzində İcbari Sığorta Bürosunun (İSB) informasiya sistemində avtonəqliyyat vasitəsi sahiblərinin mülki məsuliyyətinin icbari sığortası üzrə 102 min 485 müqavilə qeydiyyata alınıb.

İSB-dən AZƏRTAC-a verilən məlumata görə, bunların 15 min 550-si xarici ölkədə qeydiyyata alınıb və Azərbaycan Respublikasına tranzit məqsədilə daxil olan avtonəqliyyat vasitələri təşkil edib. İyun ayı ərzində standart və sərhəd sığorta müqavilələri üzrə daxil olan sığorta haqlarının məbləği 8 milyon manat təşkil edib.

Hesabat dövründə 2015-ci ilin iyul ayı ilə müqayisədə sığorta müqavilələrinin sayında 11,4 faiz, sığorta haqlarının məbləğində isə 15,6 faiz azalma müşahidə olunub.

İyul ayında avtonəqliyyat vasitəsi sahiblərinin mülki məsuliyyətinin icbari sığortası üzrə orta sığorta haqqı məbləği cari ilin iyun ayı ilə müqayisədə 1,9 faiz azalaraq 77,9 manat təşkil edib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.