REGİONLAR


İyulda “Şahdağ” elektrik stansiyasında 26 milyon kilovat-saatadək  elektrik enerjisi istehsal edilib

A+ A

Bakı, 12 avqust, AZƏRTAC

Bu ilin iyulunda “Şahdağ” elektrik stansiyasında (ES) 26 milyon kilovat-saata yaxın elektrik enerjisi istehsal edilib. Cari ilin 7 ayı ərzində isə stansiyada elektrik enerjisi istehsalı 178,7 milyon kilovat-saatdan çox olub.

“Azərenerji” ASC-nin mətbuat xidmətindən AZƏRTAC-a bildirilib ki, ötən dövrdə elektrik stansiyasında aqreqatlara nəzərdə tutulmuş bütün texniki xidmət qrafikə uyğun olaraq vaxtında göstərilib. Cari ilin 7 ayında da elektrik enerjisi istehsalında problem yaranmayıb, stansiyanın digər texniki iqtisadi göstəriciləri də qənaətbəxşdir.

Stansiyada mövsümə hazırlıq məqsədilə tədbirlər planına uyğun enerji bloklarında müxtəlif təyinatlı təmir işləri aparılır. Eyni zamanda, digər elektrik avadanlığında da profilaktik təmir işləri icra edilir. Stansiyada mövcud iqlim şəraiti ilə bağlı yanğın təhlükəsizliyi məsələsi daim diqqət mərkəzində saxlanılır.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.