İQTİSADİYYAT


İyulda daşınmaz əmlakın icbari sığortası üzrə 8 min 76 müqavilə bağlanılıb

Bakı, 4 avqust, AZƏRTAC

Cari ilin iyul ayı ərzində daşınmaz əmlakın icbari sığortası (DƏİS) üzrə 8 min 76 sığorta müqaviləsi bağlanılıb.

Bu barədə AZƏRTAC-a İcbari Sığorta Bürosundan bildirilib. Daşınmaz əmlakın icbari sığortası üzrə sığorta şirkətlərinə daxil olan sığorta haqlarının məbləği 1 milyon 282 min 916 manat təşkil edib. Daşınmaz əmlakın icbari sığortası müqavilələrinin 6 min 62-i yaşayış evləri və mənzillər, 15-i inzibati binalar, 1999-u isə digər daşınmaz əmlakla bağlı olub. Ötən ilin müvafiq dövrü ilə müqayisədə daşınmaz əmlakın icbari sığortası üzrə müqavilələrin sayında 26 faiz azalma, sığorta haqlarının məbləğində isə 5 faiz artım müşahidə edilib.

Hesabat dövründə daşınmaz əmlakın istismarı ilə bağlı mülki məsuliyyətin icbari sığortası üzrə 167, sərnişinlərin icbari fərdi qəza sığortası üzrə 28 sığorta müqaviləsi bağlanılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.