DÜNYA
JAXA agentliyi “Hitomi” süni peyki ilə əlaqənin bərpasından rəsmi şəkildə imtina edib
Tokio, 29 aprel, AZƏRTAC.
Yaponiya Aerokosmik Məkanın Mənimsənilməsi (JAXA) Agentliyinin rəsmi nümayəndələrinin bildirdiyinə görə, agentlik nasaz “Hitomi” süni peyki ilə əlaqənin bərpasından imtina edib.
Belə ki, Günəş batareyasının hər ikisinin “Hitomi”nin korpusundan ayrıldığından onun enerji təminatı kəsilib və buna görə də süni peykin fəaliyyətini bərpa etmək mümkün deyil.
Xəbər verdiyimiz kimi, cari ilin fevralında orbitə buraxılan süni peyklə əlaqə martın 26-da kəsilib. JAXA-nın mütəxəssisləri hissələrə parçalanmış süni peykin orbitdə nəzarətsiz şəkildə hərəkət etdiyini müəyyən ediblər.
Vüqar Ağayev
AZƏRTAC-ın xüsusi müxbiri
Tokio