ELM VƏ TƏHSİL


Jan-Mari Le Guen: Azərbaycanda təhsil sisteminin inkişafına xüsusi diqqət yetirilir

Bakı, 11 yanvar, Xatirə Cəfərova, AZƏRTAC

Azərbaycanda təhsil sisteminin inkişafına xüsusi diqqət yetirilir.

AZƏRTAC xəbər verir ki, bunu ölkəmizdə səfərdə olan Fransa Respublikasının Xarici İşlər və Beynəlxalq İnkişaf Nazirliyinin inkişaf və frankofoniya məsələləri üzrə dövlət katibi Jan-Mari Le Guen media üçün brifinqdə bildirib.

Azərbaycan ilə Fransa arasında ali təhsil sahəsində əməkdaşlığın genişləndiyini deyən qonaq Fransız-Azərbaycan Universitetinin (UFAZ) təhsilə verəcəyi töhfələrdən danışıb. Qeyd edilib ki, UFAZ-ın yaradılması tərəflər arasında əməkdaşlığın inkişafına xidmət edir. Qonaq universitetdə əcnəbi tələbələrin - Fransa və digər ölkələrdən olan vətəndaşların təhsil alması üçün lazımi baza yaradılacağını bildirib. Jan-Mari Le Guen deyib ki, UFAZ-da təhsil alan azərbaycanlı tələbələr Fransada təhsillərini davam etdirəcəklər. Universitetlərarası müqavilələrə əsasən, gələcəkdə fransız tələbələr də bu ali məktəbdə tədrisə cəlb olunacaqlar. Artıq bu istiqamətdə danışıqlara başlanılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.