MƏDƏNİYYƏT


“Jara” həyəcanı davam edir: Festival iştirakçılarının qırmızı xalı üzərindən növbəti keçidi başlayıb

Bakı, 28 iyul, AZƏRTAC

"Jara-2017" Beynəlxalq Musiqi Festivalının ikinci günündə iştirak edən ifaçıların qırmızı xalı üzərindən növbəti keçidi başlayıb.

AZƏRTAC xəbər verir ki, ilk olaraq xalı üzərindən Qlyukoza, Ani Lorak, MBAND qrupu, Timur Rodrigez, Potap və Nastya keçiblər. Qırmızı xalı üzərində pərəstişkarları ilə fotoşəkillər çəkdirən, jurnalistlərin suallarını cavablandıran müğənnilər festivalın birinci gününün konsertinin möhtəşəm olduğunu vurğulayıblar.

Tədbirin bu hissəsində Yuliya Lısenko və Slava Nikitin aparıcılıq edirlər.

Xatırladaq ki, festivalın ikinci günündə musiqisevərləri SSRİ Xalq Artisti Sofiya Rotaru ilə maraqlı görüş gözləyir. Görkəmli müğənni “Jara”ya ən çox sevilən mahnıları ilə gəlib. Sofiya Rotarunun yubileyinə həsr olunmuş proqramdan əvvəl təşkil olunan qala-konsertdə Ani Lorak, Potap və Nastya, Timur Rodrigez, Artik & Asti, LOBODA, MBAND qrupu, Slava, Аlekseyev, Valeriya, Qriqori Leps, “Vremya i Steklo”, EMİN, İrina Dubtsova, Qlyukoza, Jasmin, Lev Leşşenko, Polad Bülbüloğlu və başqalarının iştirakı gözlənilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.