ELM VƏ TEXNOLOGİYA


Jest dilini mətnə çevirən elektron qolbaq hazırlanıb

A+ A

Bakı, 29 sentyabr, AZƏRTAC 

Rusiyada bədənimizin gizli dili olan jesti mətnə çevirən elektron qolbaq hazırlanıb. Bu layihə 2016-cı ilin aprelində Moskvada təşkil edilmiş “Bərabər imkanlar texnologiyaları” II hakatonunda qalib gəlib.

AZƏRTAC “hitech.newsru” saytına istinadla xəbər verir ki, eşitmə və görmə məhdudiyyətli insanlar üçün nəzərdə tutulan “uSEEband” adlı qolbaq jest dilini bilməyən insanlarla sərbəst ünsiyyət saxlamaq imkanı yaradır. Qurğu daktil əlifbanın jestlər sistemini mətnə çevirir və onu real vaxt rejimində smartfon və ya planşetdə əks etdirir.

Ovucun içəri hissəsinə bərkidilən “uSEEband” inteqrasiya edilmiş sensorların köməyilə jestləri – daktil əlifbanın 32 hərfini tanıyır. Əldə edilmiş məlumatlar proqram neyroşəbəkəsi ilə emal edilərək sözlər və cümlələr şəklində smartfona ötürülür. O, “Android” əsasında işləyən proqramla əlaqə üçün “Bluetooth” moduluna malikdir və enerji yükləmədən 12 saatadək işləyə bilir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.