REGİONLAR


Jurnalistlərin iştirakı ilə “Media etikası və media hüququ” mövzusunda regional seminar keçirilib

A+ A

Mingəçevir, 20 dekabr, Şahnəzər Bəşirov, AZƏRTAC

Mingəçevir Media Mərkəzində “Media etikası və media hüququ” mövzusunda jurnalistlər üçün regional seminar keçirilib.

AZƏRTAC xəbər verir ki, Yayımların Monitorinq Mərkəzi İctimai Birliyinin təşkilatçılığı ilə keçirilən seminarda Mingəçevir, Ağdaş, Bərdə, Tərtər, Oğuz və Göyçaydan olan jurnalistlər iştirak edib.

Tədbirdə təlimçi, media eksperti Ələsgər Məmmədli jurnalistlərin informasiya əldə etmək hüququ və ifadə azadlığı, məhdud informasiyalar, diffamasiya, özəl həyat sirləri, ifadə azadlığının qorunma standartları, sosial mediada defomativ ifadələrin məsuliyyəti, etik davranış standartları haqqında ətraflı məlumat verib.

Seminar iştirakçıları informasiya əldə etmək hüququ barədə geniş məlumat alıblar. Onlara ekstremal şəraitdə, qəza zamanı, fövqəladə hadisələrdə jurnalistlərin qarşılaşdığı hallar və çətin durumdan çıxış yolları izah olunub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.