SİYASƏT


KTMT-nin baş katibi Nikolay Bordyujanın bəyanatına Rusiya XİN-in münasibəti

Moskva, 30 dekabr, AZƏRTAC

Rusiya Federasiyasının Xarici İşlər Nazirliyi Kollektiv Təhlükəsizlik Müqaviləsi Təşkilatının (KTMT) baş katibi Nikolay Bordyujanın Ermənistan-Azərbaycan sərhədində baş verən insidentlə bağlı bəyanatına münasibət bildirib.

AZƏRTAC-ın xüsusi müxbiri xəbər verir ki, Rusiya XİN-in açıqlamasında KTMT-yə üzv dövlətlərin Dağlıq Qarabağ münaqişəsi ilə bağlı mövqeyinin təşkilatın bu ilin oktyabrın 14-də Yerevanda qəbul olunan birgə bəyanatında aydın ifadə olunduğu diqqətə çatdırılıb.

Açıqlamada, həmçinin Rusiya XİN atəşkəs rejiminə riayət etməyin vacibliyini vurğulayıb: “Baş vermiş insident nəticəsində hər iki tərəfdən hərbi qulluqçular arasında itkilər var. Rusiya həlak olan hərbçilərin ailələrinə başsağlığı verir, tərəfləri atəşkəs rejiminin pozulmasına yol verməməyə və vəziyyətin sabitləşməsi üçün lazımi addımlar atmağa çağırır”.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.