DÜNYA


Kabil şəhərində ABŞ səfirliyi yaxınlığında partlayış törədilib

A+ A

Bakı, 15 avqust, AZƏRTAC

Əfqanıstanın paytaxtı Kabilin mərkəzində baş verən partlayış nəticəsində 3 nəfər yaralanıb.

AZƏRTAC TASS informasiya agentliyinə istinadla xəbər verir ki, avqustun 15-də yerli vaxtla saat 09:00-da Əfqanıstan Ali Məhkəməsinin binasının və ABŞ səfirliyinin yerləşdiyi ərazinin yaxınlığında ölkənin Milli Müdafiə Nazirliyinə məxsus avtomobilə yerləşdirilən partlayıcı qurğu işə düşüb.

Şahidlərin sözlərinə görə, partlayış nəticəsində yaxınlıqda yerləşən bir neçə mağazaya zərər dəyib, yaşayış binalarının pəncərələri sınıb. Təhlükəsizlik qüvvələri insidentin baş verdiyi ərazini nəzarət altına alıb.

Hələ ki, ölkədə fəaliyyət göstərən qruplaşmaların heç biri hadisənin məsuliyyətini öz üzərinə götürməyib.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.