DÜNYA


Kabildə güclü partlayış olub VİDEO

Bakı, 31 may, AZƏRTAC

Əfqanıstanın paytaxtı Kabildə güclü partlayış baş verib.

AZƏRTAC Reuters agentliyinə istinadla xəbər verir ki, partlayıcı qurğu prezident sarayının və xarici səfirliklərin yaxınlığında işə salınıb. Bir çox binalar zədələnib, qapı və pəncərələr qopub.

Agentliyin polisdəki mənbələrdən dəqiqləşdirdiyi məlumata görə, Almaniya səfirliyindən bir qədər aralıda minalanmış avtomobil partladılıb. Partlayış zamanı Sinxua agentliyinin Kabildəki bürosunun binasına da zərər dəyib.

Pajvak agentliyi partlayış nəticəsində onlarla insanın öldüyünü, yüzlərlə insanın yaralandığını bildirir. Assosiated Press agentliyi isə əfqan məmurlarına istinadla 50 nəfərin öldüyü və yaralandığı barədə məlumat yayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.