Kabildə partlayış qurbanlarının sayı 100 nəfərə yaxınlaşıb
Bakı, 27 yanvar, AZƏRTAC
Bu gün səhər Əfqanıstanın paytaxtı Kabildə törədilən partlayış nəticəsində həlak olanların sayı artmaqda davam edir.
AZƏRTAC xəbər verir ki, 1TV telekanalının yerli səhiyyə nazirliyinə istinadla yaydığı məlumata görə, partlayış qurbanlarının sayı 95 nəfərə çatıb, daha 158 nəfər müxtəlif dərəcəli xəsarətlər alıb.
Xatırladaq ki, terrorçu-kamikadze minalanmış avtomobili xarici ölkə səfirliklərinin və hökumət binalarının yerləşdiyi Vəzir-Əkbərxan məhəlləsində partladıb. Əfqanıstan daxili işlər nazirinin müavini partlayışla əlaqəli olan 4 nəfərin həbs edildiyini bildirib.
Terror aktının məsuliyyətini ölkədə fəaliyyət göstərən “Taliban” hərəkatı üzərinə götürüb.
Bölmənin digər xəbərləri
