DÜNYA


Kağızdan və bakteriyalardan batareya hazırlanıb

Bakı, 30 dekabr, AZƏRTAC

Alimlər kağız üzərindəki xüsusi bakteriyalar hesabına işləyən və qatlanan batareya hazırlayıblar.

AZƏRTAC xarici saytlara istinadla xəbər verir ki, batareyanın hazırlanması üçün dünyanın istənilən yerində əldə edilə bilən sadə elementlərdən istifadə olunub. Belə ki, alimlər kağız üzərinə üstü mum qatı ilə örtülmüş gümüş nitrat çəkərək bu uğura nail olublar.

Bakteriyalardan ibarət olan maye batareyanın digər tərəfində yerləşən keçirici polimerdən hazırlanmış kiçik anbara tökülür. Batareya qatlandıqda səthlərin təması zamanı yaranan bakteriyaların metabolizmi sayəsində o fəallaşır. Batareyanın qüvvəsi isə təmasa girən qatların sayından asılıdır.

İstehsalçıların sözlərinə görə, böyük qüvvəyə malik olmayan batareyalardan əldə edilən enerji diabet xəstələrin qanında qlükozanın səviyyəsini ölçən biosensor və digər az enerji sərf edən tibbi cihazlardan istifadəni mümkünləşdirir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.