DÜNYA


Kaliforniyadakı uduşlu “Powerball” lotereya bileti satmış mağaza 1 milyon dollar bonus alacaq

Vaşinqton, 12 iyun, AZƏRTAC

Kaliforniyada bir nəfər naməlum alıcı “Powerball” lotereyasında təxminən yarım milyard dollar udub. Yeganə cek-potlu lotereya bileti Kaliforniyadakı bir minimarketdə satılıb. Mağazanın sahibi Mətyu Alberre bu xəbəri “inanılmaz yenilik” adlandırıb. Şənbə günü 447,8 milyon dollar məbləğində cek-pot düşmüş lotereya bileti ABŞ tarixində 10-cu ən böyük lotereya prizi olub.

Bu pulların bir qismi lotereya uduşlu biletinin alıcısına, bir qismi isə həmin bileti satmış mağazaya çatacaq. Kaliforniyada uduşlu lotereya biletinin satışı müqabilində pərakəndə satış işçiləri 1 milyon dollar məbləğində bonus alır.

ABŞ-da ən böyük lotereya cek-potu keçən il yanvar ayında qeydə alınıb. O vaxt lotereyanın 3 qalibi toplam olaraq 1,8 milyard dollar qazanıblar.

“Powerball” lotereyasının administrasiyası tərəfindən verilən məlumata görə, şənbə günü keçirilmiş tirajda qalib gəlmək şansı 1:292,2 milyona bərabər olub. Qalibin uduş barədə müraciət etməsi üçün bir il vaxtı var. Həmin şəxs ya 279,1 milyon dollar məbləğində pul mükafatını birdəfəlik, ya da tam məbləği (447,8 milyon dollar) 29 il müddətində hissə-hissə ala bilər.

Yusif Babanlı

AZƏRTAC-ın xüsusi müxbiri

Vaşinqton

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.