DÜNYA


Kambocada ödənişli VIP həbsxanalar tikiləcək

Bakı, 10 may, AZƏRTAC

Kambocanın hökumət orqanları yaxşılaşdırılmış saxlanma şəraiti olan həbsxana tikəcək. Məhbuslar bu həbsxana üçün pul ödəməlidirlər.

AZƏRTAC xarici KİV-lərə istinadla xəbər verir ki, ödənişli həbsxanaya ilk mərhələdə 400 nəfər yerləşdiriləcək. İmkanlı məhbusların ödəməli olduğu məbləği isə tikinti kompaniyası təyin edəcək.

Həbsxanaların idarə olunması üzrə yerli departamentin nümayəndəsinin sözlərinə görə, yeni təcridxanalar daha geniş kameralarla, həmçinin idman və ibadət otaqları ilə təchiz ediləcək. Dörd milyon dollara başa gələcək həbsxananın tikintisi ilə Çinin “Kunn Rekon Holdings” kompaniyası məşğul olur. Bu həbsxana 1,2 min məhbus üçün nəzərdə tutulur.

Müqaviləyə əsasən ilk bloku 2018-ci ilin ortalarında istifadəyə veriləcək həbsxananın gəlirini 45 il ərzində yerli hökumət və tikinti kompaniyası öz aralarında böləcək.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.