İDMAN


Kamran Ağayev Portuqaliya çempionatında debüt edib VİDEO

Lissabon, 24 sentyabr, AZƏRTAC 

Azərbaycanın futbol üzrə milli komandasının qapıçısı Kamran Ağayev Portuqaliyanın "Boavişta" klubunun heyətində ilk oyununu keçirib. Ölkə çempionatının altıncı turu çərçivəsində keçirilən "Porto"-"Boavişta" matçında həmyerlimiz 1 nömrəli formada meydana çıxıb.

Eyni şəhəri təmsil edən bu iki klub arasındakı derbi ənənəvi olaraq gərgin idman mübarizəsi şəraitində keçib. Kamran Ağayevin komandası hesabı açsa da, oyun ərzində güclü rəqibindən 3 qol buraxaraq məğlub olub.

Oyunun statistik göstəricilərinə görə rəqib Kamran Ağayevin qoruduğu qapıya 7 dəqiq zərbə endirib. Milli komandamızın qapıçısı bunlardan dördünü saxlaya bilib. Qapıçımızın öhdəsindən gələ bilmədiyi toplardan biri penalti zərbəsindən vurulub.

Aygün Əliyeva

AZƏRTAC-ın xüsusi müxbiri

Lissabon

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.