İDMAN


Kamran Məmmədov: Beynəlxalq yarışlarda zəif rəqib olmur

Bakı, 18 may, H.Mahmudova, S.Allahverdiyeva, AZƏRTAC

Bu cür beynəlxalq yarışlarda zəif rəqib olmur. Əgər rəqibinə ciddi yanaşmasan, o gözləmədiyin anda sənə fənd tətbiq edərək qalib gələ bilər.

Bu sözləri AZƏRTAC-a müsahibəsində IV İslam Həmrəyliyi Oyunlarında 66 kiloqram çəki dərəcəsində mübarizə apararaq qızıl medal əldə edən yunan-Roma güləşçisi Kamran Məmmədov deyib.

O bildirib ki, bu oyunlarda iştirak etməkdə məqsədi yalnız qızıl medal əldə etmək olub: “Məşqçilərim və azarkeşlər də məndən bunu gözləyirdilər. Bundan sonra növbəti yarışlara hazırlaşacağam. Ümummilli lider Heydər Əliyevin xatirəsinə həsr olunan güləş üzrə “Qızıl Qran-Pri” beynəlxalq turnirində və dünya çempionatında iştirak edərək, yüksək nəticə göstərmək əzmindəyəm”.

Qeyd edək ki, K.Məmmədov həlledici mərhələdə Qırğızıstan güləşçisi Janat Kyılbayev ilə qarşılaşıb. Görüş vaxtından əvvəl 9:0 hesabı ilə Azərbaycan pəhləvanının xeyrinə başa çatıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.