DÜNYA


Kanadada vergidən yayınmaya qarşı yeni tədbirlər görüləcək

Bakı, 11 iyul, AZƏRTAC

Kanada hökuməti vergi ödəməkdən yayınma ilə mübarizə məqsədilə gəlir vergisinin tutulmasının ilkin qaydalarını yenidən nəzərdən keçirəcək.

AZƏRTAC “vergiler.az” saytına istinadla bildirir ki, Kanadanın Gəlirlər Agentliyinin transmilli şirkətlər və iri müəssisələr üçün gəlirlər üzrə audit prosesini təkmilləşdirməsi 13 milyard ABŞ dollarından artıq əlavə vəsaitin büdcəyə cəlb edilməsinə şərait yaradacaq.

Hökumətin əsas məqsədi elə bir ədalətli vergi sistemi yaratmağa nail olmaqdır ki, öz gəlirlərini gizlədərək dövləti aldatmaq istəyənlər daha gizlənə bilməsinlər və əməllərinə görə cavab versinlər.

“Panama sənədləri” ictimaiyyətə açıqlandıqdan sonra hökumətin belə bir qərar qəbul etməsi təsadüfi sayıla bilməz. Həmin sənədlərdə Kanadanın iri müəssisələrinin, eləcə də yüksək vəzifəli dövlət rəsmilərinin vergidən yayındıqlarını təsdiq edən məlumatlar ortaya çıxmışdı.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.