İDMAN


Karateçimiz dünya çempionatında bürünc medal uğrunda mübarizə aparacaq

A+ A

Lints, 28 oktyabr, AZƏRTAC

Oktyabrın 25-dən 30-dək Avstriyanın Lints şəhərində karate üzrə 23-cü dünya çempionatı keçirilir. İki ildən bir keçirilən dünya çempionatında ölkəmiz 16 idmançı ilə təmsil olunur.

Oktyabrın 27-də Azərbaycanın daha beş idmançısı mübarizəyə qoşulub.

Fərdi kumite yarışlarında 60 kiloqramadək çəki dərəcəsində tatamiyə çıxan Firdovsi Fərzəliyev final mərhələsinə kimi bütün rəqiblərini məğlub edib. Bu mərhələdə Hollandiya idmançısına məğlub olan karateçimiz bürünc medal uğrunda mübarizəni davam etdirəcək. Görüş oktyabrın 28-də baş tutacaq.

Digər idmançılarımız - Nuranə Əliyeva (-50 kq), İlahə Qasımova (-51 kq), Fəridə Abıyeva (-61 kq) və Rafiz Həsənov (-67 kq) müxtəlif mərhələlərdə məğlub olaraq yarışı tərk ediblər.

Fiziki qüsurlu karateçilərin yarışdığı para-karate üzrə dünya çempionatında ilk dəfə Azərbaycan da təmsil olunub. İyirmi altı ölkədən 72 idmançının qatıldığı yarışda karateçimiz Sahib Əhədov medallar uğrunda mübarizəni erkən dayandırıb.

Komandaların kumite yarışlarında qadınlardan ibarət Azərbaycan komandası ilk dövrədə Koreya idmançıları üzərində qələbə qazanaraq növbəti mərhələyə yüksəlib. Kişilərdən ibarət komandamız isə mübarizəyə oktyabrın 28-də qoşulacaq.

Elgün Niftəliyev

AZƏRTAC-ın xüsusi müxbiri

Lints

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.