DÜNYA


Kartondan pilotsuz uçuş aparatı yaradılıb

Bakı, 7 fevral, AZƏRTAC

ABŞ-ın “Otherlab” şirkəti karton materialdan birdəfəlik istifadə üçün nəzərdə tutulan pilotsuz uçuş aparatı (PUA) istehsal edib.

AZƏRTAC xarici KİV-lərə istinadla xəbər verir ki, PUA-nın poliqon şəraitində sınaqlarının keçirilməsinə başlanılıb. İlkin testlərdə PUA uçuş əməliyyatlarını – qalxma və enməni rahat şəkildə həyata keçirə bilib. Sınaq uçuşlarının ilkin mərhələsi müsbət dəyərləndirilib.

PUA-nı yaradan mütəxəssislər bildiriblər ki, bəzi xüsusi əməliyyatlarda dronların məhv olması ehtimalı yaranır. Buna görə də bahalı materialdan hazırlanan və külli miqdarda vəsait hesabına başa gələn PUA-ların həmin məntəqələrə göndərilməsi məqsədəuyğun sayılmır. Bu vəziyyətdə karton PUA-lardan istifadə daha uyğun hesab oluna bilər.

Hazırda şirkətin mütəxəssisləri kağızdan hazırlanan PUA-nın üzərinə kameranın quraşdırılması üzərində işləyirlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.