İQTİSADİYYAT


Keyfiyyətli boruların istehsalını həyata keçirən "Azertexnolayn" lider olmaqda israrlıdır

Bakı, 19 iyun, AZƏRTAC

"Azertexnolayn" MMC Azərbaycanın sənaye sahəsində mühüm işlərin görülməsində əməyi keçən şirkətlərdəndir desək tam haqlı olarıq. Milli sərvətlərimizin daşınmasını mümkün edən keyfiyyətli boruların istehsalını həyata keçirən "Azertexnolayn" MMC liderliyə sahib olmaqda israrlıdır. 2013-cü ildə istismara verilən şirkət ölkəmizdə sənaye infrastrukturunun inkişafı, onun mövcud potensialının daha da möhkəmlənməsi və müasirləşdirilməsi istiqamətində professional səylərini göstərir.

"Azertexnolayn" MMC bu gün müasir texnologiyalara əsaslanan, ölkəmiz üçün mühüm əhəmiyyət kəsb edən və ixrac potensialına malik polad boru, qofralı boru, polietilen və PE 100 təzyiqli borular, fittinqlər, metal hasar və s. bu kimi məhsullar istehsal edir.

"Azərtexnolayn"ın əsas istehsal sahələrindən biri Polad Boru Zavodudur ki, burada təyinatı üzrə beynəlxalq standartlara cavab verən keyfiyyətli spiral tikişli polad borular istehsal olunur. Zavodda polad boru istehsalı üzrə üç xətt qurulub ki, onun da hər üç xətt üzrə illik istehsal gücü 200 000 tondur. İstehsal olunan boruların diametri 400–2400 millimetr, boru ət qalınlığı 6–25 millimetr, uzunluğu isə 6–16 metr arasındadır. Boruların təyinatına gəlincə, sənaye sahəsində bir çox boru xətlərinin – xam neft boru xətləri, təbii qaz boru xətləri, su xətləri, neft emalı zavodları, sənaye boru xətti şəbəkələri, polad konstruksiyalar, svay boruları və digər məqsədlər üçün xüsusi tətbiqləri həyata keçirilir.

"Azertexnolayn" MMC-nin növbəti zavodu Polietilen Məmulatlar Zavodudur. Zavod özünün çoxşaxəli istehsal sahələri ilə seçilərək qısa müddətdə ölkə tələbatını qarşılamaq üçün böyük addımlarla irəliləyir. Qofralı boru, PE 100 təzyiqli borular, plastik injeksiya məhsulları Polietilen Boru Zavodunun əsas fəaliyyət sahələrinə daxildir.

Qofralı polietilen boruların hazırlanması üçün yüksək keyfiyyətli xammal seçilir. Borular 3 qatdan 100 faiz yüksək sıxlıqlı polietilen (HDPE) tərkibli daxili qat, polad və yapışdırıcı polietilendən ibarət ara qat, xarici görünüşü hamar göstərən 100 faiz yüksək sıxlıqlı polietilen (HDPE) tərkibli qatdan ibarətdir. Yüksək keyfiyyətli qofralı borular xarici qatındakı büzməli məsamələr sayəsində ağır tonlu yük avtomobillərinə qarşı olduqca dözümlüdür. Həmçinin gərilmə və burulmaya, xarici sıxışdırmalara, eləcə də daxili və xarici polietilen izolyasiyası ilə paslanma və digər kimyəvi təsirlərə qarşı da davamlıdır. Qofralı polietilen boruların digər üstünlüyü bir-birinə rahat qaynaq edilməsidir.

PE 100 təzyiqli borular yüksək təzyiqədavamlılığı ilə seçilir. Bu borular daha az divar qalınlığına və daha yüksək mexaniki üstünlüklərə malikdir. Polietilen boruların standart ölçü nisbəti (Standard Dimension Ratio ) SDR 26- SDR7.4 intervalında və daxili təzyiqə davamlılığı PN 6- PN 25 diapazonundadır. Bu növ boruların istismar müddəti 50 ildən az deyil.

İnjeksiya sexində alman istehsalı olan ən müasir injeksiya avadanlıqları fəaliyyət göstərir. Bu avadanlıqlarda müxtəlif növ plastiklərdən qəliblərə uyğun çeşidli məhsullar istehsal edilir. Sexdə PE boruları üçün fittinqlər, ABS plastikdən sayğac qutuları və sifarişə uyğun hər çeşiddə plastik qablar istehsal olunur.

"Azertexnolayn" MMC metal hasar istehsalı sexində eni 2,5 metr və hündürlüyü 2,5 metrə qədər olan tel hasarlar istehsal edir. Hasarların hazırlanmasında sinklənmiş tellər istifadə olunduğundan məhsulun korroziyaya davamlılığı olduqca yüksəkdir. Tel hasarlar bir-birinə dirək və klipslər vasitəsilə bərkidilir. İstehsal olunan hasarların bütün montaj hissələri zavod tərəfindən təmin edilir. Sifarişə uyğun olaraq hasarların üstünə meyillilik vermək və tikanlı məftil əlavə etmək mümkündür.

"Azertexnolayn" MMC-nin nəzdində fəaliyyətə başlayan Texniki Avadanlıqlar Zavodu öz istehsal sahəsi üzrə peşəkarlıq nümayiş etdirir.

Müasir standartlara cavab verən məhsullar, eyni zamanda innovativ üsullarla istehsal prosesi bu zavodunun əsas prinsiplərindəndir.

Zavodun modelxana hissəsində 30-dan çox hazır model mövcuddur. Bu modellər sayəsində sifariş olunan məhsulları çoxlu sayda istehsal etmək mümkündür. Modellər müxtəlif ölçülü alətlər, lent mişarlar və CNC dəzgahların vasitəsilə hazırlanır və stoklanır. Zavoddakı Megatron CNC dəzgahı 2000 millimetr en, 4000 millimetr uzunluq və 1200 millimetr hündürlüyündə işləmə potensialına malikdir. Bu isə iri qabaritli məhsulların modellərinin hazırlanmasına imkan yaradır.

"Azertexnolayn" MMC haqqında daha ətraflı məlumatı bu linkdən əldə etmək olar: https://www.youtube.com/watch?v=3zjmIWAeVhs

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.