REGİONLAR


Kiloqramı keyfiyyətindən asılı olaraq 1,5-2 manata satılır VİDEO

Xaçmaz, 31 may, Elxan Yusifli, AZƏRTAC

Xaçmazlı sahibkarlar may ayının ikinci ongünlüyündən etibarən gilas bağlarında məhsul yığımına başlayıblar.

AZƏRTAC xəbər verir ki, yığılan məhsul yerli və paytaxt bazarlarında satışa çıxarılır. Gilasın bir kiloqramı keyfiyyətindən asılı olaraq 1,5-2 manata satılır.

Bağ sahibləri hazırda gilasın tezyetişən sortlarını toplayırlar. Sahibkarlar gilasın yetişdirilməsinin böyük xərc tələb etdiyini söyləyirlər. Buna görə də hazırkı satış qiymətinin onları qane etdiyini vurğulayırlar.

Rayonun Müzəffəroba kəndindən olan təsərrüfatçı Həsən Bayramov bildirir ki, iyul ayının ilk günlərindən gilasın digər sortlarının da yığımına başlayacaqlar. Yığılan məhsul ölkəmizlə yanaşı, qonşu Rusiya Federasiyasının bazarlarına da göndəriləcək.

İyun ayı gilas yığımının ən qızğın çağıdır. Xaçmaz rayonunda gilasın “Krım” və “Romanovka”, “Öküzürəyi”, “Napoleon” və başqa növləri yetişdirilir.

Son illər rayonda gilas bağlarının sahəsi xeyli artıb. Təsərrüfatçılar bunu gilas bağlarının alma, şaftalı və digər ənənəvi bağlara nisbətən daha çox gəlir gətirməsi ilə əlaqələndirirlər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.