İQTİSADİYYAT


Kimya sənayesi və əczaçılıq sahələrində 307,4 milyon manatlıq məhsul istehsal edilib

Bakı, 29 iyun, AZƏRTAC

Kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində 307,4 milyon manatlıq məhsul istehsal edilib.

Dövlət Statistika Komitəsindən AZƏRTAC-a bildiriblər ki, əvvəlki ilin yanvar-may ayları ilə müqayisədə məhsul buraxılışı kimya sənayesində 22 faiz, rezin və plastik kütlə məmulatlarının istehsalında 57 faiz, əczaçılıq məhsullarının istehsalında isə 2 dəfə artıb. Əsas kimya məhsullarından izopropil spirti istehsalı 46 faiz, yod istehsalı 1,4 faiz, polietilen istehsalı 5,1 faiz, lak-boya məmulatlarının istehsalı 58 faiz artıb. Bununla yanaşı, azot istehsalı 0,3 faiz, oksigen istehsalı 69,7 faiz azalıb. Rezin və plastmas məmulatlarından plastik borular, borucuqlar və şlanqlar üçün fitinqlərin istehsalı 19,9 dəfə, polivinilxlorid borular, borucuqlar, qollar, şlanqların istehsalı isə 12,9 dəfə artıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.