İDMAN


Kişi voleybolçulardan ibarət Əlcəzair yığması IV İslam Həmrəyliyi Oyunlarının bürünc medalına sahib olub

Bakı, 21 may, P.Rəhimova, AZƏRTAC

Kişi voleybolçulardan ibarət Əlcəzair yığması IV İslam Həmrəyliyi Oyunlarının bürünc medalına sahib olub.

AZƏRTAC xəbər verir ki, günün ilk qarşılaşmasında Türkiyə və Əlcəzair komandaları üz-üzə gəliblər.

İlk setdə Türkiyə millisi 25:20 hesabı ilə üstün olsa da, ikinci setdə əlcəzairli voleybolçular hesabı bərabərləşdiriblər – 25:22. Əlcəzair yığması üçüncü seti 25:23 hesabı ilə öz xeyrinə başa vurub. Əzmkarlıq nümayiş etdirən Əlcəzair millisi dördüncü setdən də üstün ayrılıb – 25:18.

Beləliklə, rəqibini 3:1 hesabı ilə məğlub edən Əlcəzair yığması IV İslam Həmrəyliyi Oyunlarının bürünc mükafatına sahib olub.

Günün ikinci qarşılaşmasında Azərbaycan və İranın kişi voleybol milliləri IV İslam Həmrəyliyi Oyunlarının qızıl mükafatçılarını müəyyənləşdirəcəklər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.