İDMAN


Kişi voleybolçularımız beynəlxalq turniri üçüncü pillədə başa vurublar

Bakı, 1 yanvar, AZƏRTAC

Yanvarın 1-də Lüksemburqda kişi voleybolçulardan ibarət milli komandaların iştirakı ilə Yeni ilə həsr olunmuş “Novotel Cup-2017” beynəlxalq turnirinə yekun vurulub.

Azərbaycan Voleybol Federasiyasından AZƏRTAC-a bildiriblər ki, turnirdə millimiz ilk oyununu İslandiya komandasına qarşı keçirib. Komandamız beynəlxalq turnirə qələbə ilə başlayıb – 3:1.

Baş məşqçi Fərid Cəlilovun rəhbərlik etdiyi komandamız ardıcıl iki oyunda Lüksemburq və Almaniya yığmalarına 2:3 hesabı ilə məğlub olub.

Hesabında 7 xal olan Lüksemburq millisi yarışın qalibidir. Almaniya millisi 6 xalla gümüş, Azərbaycan isə 5 xalla bürünc medala sahib olub. İslandiya voleybolçuları yarışı sonuncu pillədə başa vurublar.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.