İQTİSADİYYAT


Kiyevdə “Transxəzər Beynəlxalq Nəqliyyat Marşrutu: reallıqlar və perspektivlər” mövzusunda “dəyirmi masa” keçirilib

A+ A

Kiyev, 27 oktyabr, AZƏRTAC

Oktyabrın 27-də Ukrayna paytaxtında “Beynəlxalq Transxəzər Nəqliyyat Konsorsiumu tərəfindən təşkil edilən “Transxəzər Beynəlxalq Nəqliyyat Marşrutu: reallıqlar və perspektivlər” mövzusunda “dəyirmi masa” keçirilib. Tədbirdə GUAM Katibliyi proqramlarının əlaqələndiricisi Səbuhi Təmirov iştirak edib. Bu barədə AZƏRTAC-a qurumun Kiyevdəki mənzil-qərargahından məlumat verilib.

GUAM Katibliyinin əlaqələndiricisi nəqliyyat dəhlizinin inkişafının qurum üçün böyük əhəmiyyətini qeyd edib, GUAM-ın nəqliyyat sahəsində cari fəaliyyəti barədə məlumat verib. Bu kontekstdə S.Təmirov GUAM-ın nəqliyyat dəhlizinin inkişafı haqqında Konsepsiyası, “GUAM-Tranzit-2” xüsusi konfransının (2015, 19 noyabr) nəticələri barədə informasiyanı təqdim edib.

S.Təmirov tədbir iştirakçılarını ticarət və nəqliyyata yardım üzrə layihənin rəhbər komitəsinin fəaliyyəti ilə tanış edib. O, həmçinin iştirakçıları GUAM və GUAM+ çərçivəsində qurumun nəqliyyat-tranzit sahəsində əməkdaşlığın gələcək inkişafı barədə məlumatlandırıb.

Zeynal Ağazadə

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.