DÜNYA


Kolumbiyada iki holland jurnalisti oğurlanıb

Bakı, 20 iyun, AZƏRTAC

Kolumbiyada iki holland jurnalisti – “İtkinlər” televiziya proqramının reportyoru və operatoru oğurlanıb.

AZƏRTAC xəbər verir ki, Niderland teleradio verilişləri korporasiyasının məlumatına görə, Kolumbiya Silahlı Qüvvələri oğurluğun arxasında “Milli azadlıq ordusunun” dayandığını təsdiqləyib.

İnsident ölkənin şimalında Venesuela ilə sərhəddə baş verib. Üsyançı qruplaşmanın fəaliyyət göstərdiyi bu bölgədə müxtəlif qanunsuz fəaliyyət, o cümlədən narkotik ticarəti geniş yayılıb. Kolumbiya ordusundan bildiriblər ki, regiona girovların azad edilməsi üzrə ixtisaslaşmış xüsusi dəstələr göndərilib.

Niderland Xarici İşlər Nazirliyindən jurnalistlərin oğurlanması faktını təsdiqləyib və qeyd ediblər ki, onların azad olunması üçün bütün mümkün tədbirlər görülür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.