Konqresmenin məktubunda ABŞ-ın Azərbaycan ilə əlaqələrinin dərinləşdirilməsinin önəmi vurğulanıb
Bakı, 4 noyabr, AZƏRTAC ABŞ konqresmeni Henri Kuellar Prezident Barak Obamaya göndərdiyi məktubunda Birləşmiş Ştatların Azərbaycan ilə əlaqələrinin dərinləşdirilməsinin önəmini vurğulayıb.
AZƏRTAC xəbər verir ki, H.Kuellar məktubda Azərbaycanın strateji əhəmiyyətini qeyd edərək ölkəmizin İraq, Əfqanıstandakı əməliyyatlarda vacib müttəfiq kimi iştirak etdiyini, o cümlədən Əfqanıstan əməliyyatı kontekstində önəmli nəqliyyat qovşağı olduğunu xüsusi vurğulayıb. O, eyni zamanda, Azərbaycanın Avropa, eləcə də Türkiyə, Gürcüstan və İsrail kimi ölkələrin enerji təhlükəsizliyinə verdiyi töhfəni qeyd edib.
Konqresmen Azərbaycan ilə ABŞ arasında təhlükəsizlik və iqtisadi tərəfdaşlıq sahələrində əlaqələrin inkişafı üçün böyük potensial olduğunu diqqətə çatdırıb. H.Kuellar bu məqamları nəzərə alaraq, geosiyasi və iqtisadi baxımdan əhəmiyyətli ölkə olan Azərbaycan ilə əlaqələrin dərinləşdirilməsinin prioritet olmasının vacibliyini diqqətə çatdırıb.
Bölmənin digər xəbərləri
