DÜNYA


Kosta-Rikada avtobus qəzasına görə matəm elan olunub

A+ A

Bakı, 21 oktyabr, AZƏRTAC

Kosta-Rikada avtobus qəzası nəticəsində baş verən insan tələfatı ilə əlaqədar ölkədə matəm elan olunub.

AZƏRTAC Anadolu informasiya agentliyinə istinadla xəbər verir ki, Kosta-Rikanın paytaxtı San-Xose şəhərinin şimalındakı Cinchona kəndi yaxınlığında avtobusun uçuruma aşması 12 nəfərin ölümünə səbəb olub. Hadisə zamanı yaralanan 15 nəfərdən 12-nin vəziyyətinin isə ağır olduğu bildirilir.

İnsidentlə əlaqədar Kosta-Rikanın dövlət başçısı Luis Guillermo Solis ölkədə üç günlük matəm elan edib.

Qeyd edək ki, oktyabrın 20-də Kosta-Rika Milli Universitetindən təqaüdə çıxanları hinduların yaşadığı Guatuso (Maleku) düşərgəsinə aparan avtobus 15 metr dərinliyi olan uçuruma yuvarlanıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.