MƏDƏNİYYƏT


Krakovda Azərbaycanın milli-mədəni irsi haqqında məruzə təqdim edilib

Bakı, 15 may, AZƏRTAC

Azərbaycanın Polşadakı səfirliyinin, Krakov şəhər meriyasının, şəhər şurasının, Yaqellon Universitetinin hüquq və administrasiya, həmçinin idarəetmə və turizm fakültələrinin himayədarlığı ilə “Tarixi abidələrin hüquqi baxımdan qorunma formaları” adlı Polşa üzrə III elmi konfrans təşkil edilib.

Səfirlikdən AZƏRTAC-a bildirilib ki, konfransda səfir Həsən Həsənov “Azərbaycanın milli-mədəni irsi” mövzusunda məruzə ilə çıxış edib. Azərbaycanın çoxəsrlik tarixi, mədəniyyəti, incəsənəti, dili və ədəbiyyatı haqqında bir saatlıq məruzə zamanı qonaqlara, həmçinin fotolardan ibarət elektron təqdimat da nümayiş olunub. Səfir Həsən Həsənov, eyni zamanda, Qarabağ regionunun Azərbaycanın milli-mədəni irsində tutduğu xüsusi yeri vurğulayaraq, Dağlıq Qarabağ münaqişəsi haqqında geniş məlumat verib.

Konfransda, həmçinin Yaqellon Universitetinin magistri Vitold Qurnı “İdman-irs-turizm. 2010-2017-ci illərdə Azərbaycan Respublikasının təbliğat istiqamətində fəaliyyətinin təhlili” mövzusunda çıxış edib. O, Azərbaycanda milli və mədəni dəyərlərdən istifadə olunmaqla ölkənin təbliğatının düzgün aparıldığını vurğulayıb. Azərbaycanda təşkil olunan dünya miqyaslı idman yarışlarının həm turizmin inkişafında, həm də əcnəbilərin ölkəmiz ilə yaxından tanışlığında mühüm rol oynadığını xüsusi qeyd edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.