DÜNYA


Kubada qasırğa səbəbindən 316 min nəfər evakuasiya olunub

A+ A

Bakı, 4 oktyabr, AZƏRTAC

“Metyu” qasırğasının yaxın saatlarda Kubanın şərq sahillərinə çatacağı gözlənilir. Bununla əlaqədar adanın 316 min nəfər sakini evakuasiya olunub.

AZƏRTAC Qərb KİV-lərinə istinadla xəbər verir ki, 20 min nəfər sığınacaqlarda, 296 min nəfər isə təhlükəsiz ərazilərdəki şəxsi evlərdə və mənzillərdə yerləşdirilib. Hakimiyyət orqanlar tərəfindən Santyaqo-de-Kuba və Quantanamo da daxil olmaqla, altı şərq əyalətində qasırğa xəbərdarlığı elan edilib. Qasırğanın mərkəzində küləyin sürəti saatda 230 kilometrə çatır.

Meteoroloqların məlumatına əsasən, “Metyu” dördüncü kateqoriyalı şiddətli qasırğa olaraq qalır. O, Karib dənizində 2007-ci ildən bəri qeydə alınan ən güclü qasırğadır.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.