MƏDƏNİYYƏT


Kukla Teatrında “Unudulmuş kukla” tamaşasının premyerası keçiriləcək

A+ A

Bakı, 23 noyabr, AZƏRTAC

Abdulla Şaiq adına Azərbaycan Dövlət Kukla Teatrında daha bir tamaşa ərsəyə gətirilib.

Teatrın mətbuat xidmətindən AZƏRTAC-a bildirilib ki, alman romançı, bioqrafiya yazarı, araşdırmaçı və publisist Stefan Sveyqin “Yad qadının məktubu” novellası əsasında “Unudulmuş kukla” adlı tamaşa hazırlanıb.

Böyük yaş qrupu tamaşaçıları və festivallar üçün nəzərdə tutulan tamaşa dekabrın 2-də ilk premyerası ilə teatrsevərlərin ixtiyarına veriləcək.

Səhnələşdirəni və quruluşçu rejissoru Anar Məmmədov, quruluşçu rəssamı Əfşan Əsədova olan tamaşanın əsas ideyası bir qadının cavabsız sevgisi üzərində qurulub. Səhnə əsərinin ana xəttini uğursuz hisslərinə görə cəmiyyətə nifrət bəsləyən qadının iztirabları təşkil edir. Məhz zibillikdə tapdığı oyuncaqla özünün bütün daxili sarsıntılarını tamaşaçıya ustalıqla ifadə edən qadın sonda özünü əbədi zülmətə qərq edir.

Rejissorun fərqli prizmadan yozum verdiyi “Unudulmuş kukla” tamaşasında teatrın aparıcı aktrisaları Cəmilə Allahverdiyeva (Qadın) və Elmira Hüseynova (Səfil) rol alıblar.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.