REGİONLAR


Kürdəmirdə “Erkən nikah və onun fəsadları” mövzusunda maarifləndirici tədbir keçirilib

A+ A

Kürdəmir, 29 oktyabr, AZƏRTAC 

Kürdəmir şəhər 2 saylı tam orta məktəb-liseydə “Erkən nikah və onun fəsadları” mövzusunda maarifləndirici tədbir keçirilib.

AZƏRTAC xəbər verir ki, tədbirdə rayon icra hakimiyyətinin, polis şöbəsinin nümayəndələri, mərkəzi xəstəxananın həkimləri, təhsil işçiləri, valideynlər, yeniyetmə və gənclər iştirak ediblər.

Tədbirdə rayon icra hakimiyyəti başçısının müavini Vəsilə Əsgərli çıxış edərək, erkən nikahın bu gün aktual məsələ olduğunu vurğulayıb. Qeyd edib ki, bir sıra hallarda ailə quran tərəflərin yaş həddinin aşağı olması sonradan problemlərə gətirib çıxarır. Bu kimi ailələrdə nikahın pozulması, xəstə uşaqların dünyaya gəlməsi, məişət zorakılığı, fiziki-psixoloji çətinliklər kimi hallar daha çox müşahidə olunur.

Bildirilib ki, qızların erkən yaşda ailə həyatı qurmağa məcbur edilmələri onların təhsilinə, bir fərd kimi inkişafına mane olur, psixologiyasına mənfi təsir göstərir.

Tədbirdə “Gənclərin zərərli vərdişlərdən çəkindirilmələri”, “Qızların təhsildən yayınmalarının acı nəticələri” mövzularında diskussiyalar aparılıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.