İQTİSADİYYAT


Küveyt aviaşirkəti sabahdan Bakıya uçuşlara başlayacaq

Bakı, 11 iyul, Elvin Camalov, AZƏRTAC

Küveytin 3-cü böyük milli aviadaşıyıcısı olan “Wataniya Airways” iyulun 12-dən Küveytdən Bakıya uçuşlara başlayır.

AZƏRTAC “al-qabas.com” qəzetinə istinadla xəbər verir ki, şirkət, eyni zamanda, Gürcüstanın paytaxtı Tbilisiyə və Bosniya və Herseqovinanın paytaxtı Sarayevoya da uçuşlara başlayır. Tbilisiyə uçuşlara bu gündən başlayan aviaşirkət bu istiqamətdə uçuşları həftədə 3 dəfə olmaqla yerinə yetirəcək. İyulun 12-13-də isə Bakı və Sarayevoya uçuşlar həyata keçirəcək şirkət həftədə 2 dəfə bu istiqamətlərdə uçacaq.

Qeyd edək ki, “Wataniya Airways” şirkəti maliyyə vəziyyətinin pisləşməsi və Yaxın Şərqdə yaranmış siyasi qeyri-sabitliklə əlaqədar 2011-ci ildən uçuşlarını dayandırmalı olub. Aviaşirkət hazırda “Airbus A320” təyyarələri ilə uçuşlara başlayacaq. Bu ilin sonlarında və ya gələn ilin əvvəllərində isə aviaşirkət balansındakı təyyarə sayını daha da artıracağını bəyan edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.