SİYASƏT


Küveytin elektron xəbərlər portalının direktoru erməni hərbçilərin  azərbaycanlı mülki şəxsləri qətlə yetirməsini pisləyib

Bakı, 10 iyul, AZƏRTAC

Küveytin elektron xəbərlər portalının direktoru və “Əl-Biləd” xəbərlər agentliyinin baş direktoru Ziyad Sania iyulun 4-də Ermənistan silahlı qüvvələrinin Azərbaycanın Füzuli rayonunun Alxanlı kəndinin mülki əhalisinin və mülki obyektlərinin hədəflənən şəkildə və qəsdən atəşə tutması nəticəsində Allahverdiyeva Sahibənin və onun nəvəsi 2 yaşlı Quliyeva Zəhranın həlak olması, digər mülki şəxs Quliyeva Sərvinazın yaralanmasını qətiyyətli şəkildə pisləyən bəyanat verib.

Azərbaycanın Küveytdəki səfirliyindən AZƏRTAC-a verilən məlumata görə, Əl-Sania “Əl-Biləd” xəbərlər agentliyinə müsahibəsində bildirib ki, Ermənistanın Azərbaycanın mülki əhalisinə, mülki obyektlərinə birbaşa və qəsdən hücumları, beynəlxalq humanitar hüququn, insan haqlarının, xüsusilə 1949-cu il Cenevrə Konvensiyalarını, həmçinin uşaqların hüquqlarının, insan hüquqlarının müdafiəsi və fundamental azadlıqlara dair Konvensiyanı ciddi şəkildə pozub.

O, Ermənistan tərəfindən dost Azərbaycanın təhlükəsizliyinin və sabitliyin pozulmasına yönələn təcavüz aktlarını şiddətlə qınadığını vurğulayıb, ölkəmizlə həmrəyliyini bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.