MƏDƏNİYYƏT


Kyra Brenzinger: Azərbaycan zərgərlik sənətinin bədii-texniki ənənələri ilə maraqlanıram

A+ A

Paris, 25 sentyabr, AZƏRTAC

Zərgərlik üzrə ixtisaslaşmış jurnalist Kyra Brenzinger İçərişəhər Ənənəvi İncəsənət Mərkəzinin stendini ziyarət etdikdən sonra təəssüratlarını AZƏRTAC-ın müxbiri ilə bölüşüb.

Kyra Brenzinger “Azərbaycan şəhərciyi”nin təşkilinin vacibliyini diqqətə çatdıraraq bunun ölkəmizlə yaxından tanış olmağa imkan yaratdığını deyib. O, tariximizi, mədəniyyətimizi əks etdirən şəhərcikdə daha çox incəsənət bölməsi ilə maraqlandığını söyləyib və zərgərlik məhsullarına heyranlığını gizlətməyib.

Kyra Brenzinger Azərbaycan zərgərlik sənətinin qədim və zəngin bədii-texniki ənənələri ilə maraqlandığını bildirib, qızıl, gümüş metal tellərdən hörülmüş, qızıl suyuna salınmış gümüşdən hazırlanmış zərgərlik işlərinin yüksək keyfiyyətini vurğulayıb.

Jurnalist kəlağayı sənətinin çağdaş varisi batikaya valeh olduğunu da qeyd edib. O, Parisdə təşkil olunan “Azərbaycan şəhərciyi”nin sayəsində ölkəmizlə yaxından tanış olduğunu vurğulayaraq, onun təşkilatçılarına təşəkkür edib.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.