İQTİSADİYYAT


“LUCCHINI.AZ” ilə “AZTT-LUCCHINI”nin təsis edilməsi haqqında qərar layihəsi və nizamnamə imzalanıb

Bakı, 3 avqust, AZƏRTAC

"Ərzaq məhsullarının tədarükü və təchizatı" ASC-nin mərkəzi ofisində İtaliyanın "LUCCHINI.AZ" şirkəti ilə "AZTT-LUCCHINI" Məhdud Məsuliyyətli Cəmiyyətin təsis edilməsi haqqında qərar layihəsi və nizamnamə imzalanıb.

ASC-dən AZƏRTAC-a bildiriblər ki, sənədləri Səhmdar Cəmiyyətin İdarə Heyətinin sədri Əbülfət Qocayev və "LUCCHINI.AZ" MMC-nin təmsilçisi Massimo Lucchini imzalayıblar.

Azərbaycan Respublikasının Mülki Məcəlləsi və digər qanunvericilik aktlarına uyğun təsis olunmuş "AZTT-LUCCHINI" MMC ilə nizamnamə kapitalında pay nisbəti aşağıdakı qaydada müəyyən olunub: "Ərzaq məhsullarının tədarükü və təchizatı" ASC - 51 faiz, "LUCCHINI.AZ" – 49 faiz

"AZTT-LUCCHINI" MMC Azərbaycanda istixanaların tikintisi, birgə formada idarəedilməsi, işçi potensialının formalaşdırılması, işçilərə zəruri elmi-texniki biliklərin verilməsini həyata keçirəcək. Bu barədə anlaşma memorondumu "Ərzaq məhsullarının tədarükü və təchizatı" ASC ilə İtaliyanın "IDROMECCANICA LUCCHINI SpA" şirkəti arasında aprel ayında imzalanmışdı.

Səhmdar Cəmiyyət layihənin icrası üçün lazım olan bütün zəruri işləri - su, elektrik, yol üçün əlverişli olan bütün məsələlərin həllini öz üzərinə götürüb. İnfrastrukturun yaradılması üçün xərclər, razılaşdırmalar, müqavilə imzalandıqdan sonra nəzərə alınacaq. İlkin mərhələdə istixana komplekslərinin qurulmasına 13 milyon avro dəyərində sərmayə qoyulması nəzərdə tutulub.

İstixanaların qurulacağı ərazilərə baxış keçirilərək məsləhətləşmələr aparılıb. Xəzər rayonunun Zirə qəsəbəsində yerləşən ərazi xarici qonaqlar tərəfindən istixana kompleksinin qurulması üçün uğurlu seçim kimi qiymətləndirilib. İstixanaların tikintisində ən müasir texnologiyalar tətbiq olunacaq, kompleksin tərkibində elmi mərkəz yaradılacaq. Mərkəzdə aqrar sektorda çalışan istehsalçılara dəstək məqsədi ilə kadrların hazırlanması, yeni texnologiyalardan istifadə bacarıqlarının artırılması ilə bağlı işlər həyata keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.