DÜNYA


Latviya Seymi vəhşi heyvanların sirkdə istifadə olunmasına qadağanı bəyənib

Riqa, 16 iyun, AZƏRTAC

Latviya Seymi sirk tamaşalarında vəhşi heyvanlardan istifadəni qadağan edən düzəlişi son oxunuşda təsdiq edib.

2015-ci ildə ölkənin Ərzaq və Baytarlıq Xidməti sirk tamaşalarında vəhşi heyvanların çıxışını qadağan etmək təşəbbüsü ilə çıxış edib.

Sirk tamaşalarında vəhşi heyvanlardan istifadə bir çox Avropa ölkələrində qadağan olunub.

Latviya sirklərində vəhşi heyvanlar saxlanılmır: sirk tamaşalarında çıxış edən vəhşi heyvanlar başqa ölkələrin səyyar sirkləri tərəfindən gətirilir.

Bundan əlavə, Seymə sirkdə heyvanlardan istifadəni dayandırmağı təklif edən “İnsani sirk” petisiyası təqdim edilib. Petisiya 26 min imza toplayıb.

Nigar Cəfərli

AZƏRTAC-ın xüsusi müxbiri

Riqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.