DÜNYA


Lavrov: “ATƏT müşahidəçilərinin harada yerləşdiriləcəyinə dair hələlik konsensus əldə edilməyib” VİDEO

Hamburq, 9 dekabr, AZƏRTAC

Rusiya Federasiyasının xarici işlər naziri Sergey Lavrov Ermənistan-Azərbaycan, Dağlıq Qarabağ münaqişəsinin tənzimlənməsində irəliləyiş olub-olmaması barədə Azərbaycan jurnalistlərinin sualını cavablandıraraq ATƏT-in Minsk qrupunun həmsədrləri olan üç dövlətin XİN rəhbərlərinin, Ermənistan və Azərbaycan prezidentlərinin iştirakı ilə bu yaxınlarda Vyanada keçirilmiş görüşün, habelə RF Prezidenti Vladimir Putin ilə münaqişə tərəfləri olan hər iki ölkənin prezidentləri arasında ikitərəfli görüşlərin əhəmiyyətini vurğulayıb. O xatırladıb ki, atəşkəs rejimini yenidən təsdiq etməyin və müşahidəçilərin sayını “cüzi” – yeddi nəfər artırmağın zəruriliyi barədə razılaşma əldə edilib.

“Hesab edirik ki, razılaşmalar ATƏT-in qərarında təsbit edilməlidir və bunun üçün konsensus tələb olunur”, - deyən nazir əlavə edib ki, müşahidəçilərin sayının artırılması faktına dair konsensus əldə edilib, lakin onların harada yerləşdiriləcəyi barədə konsensus yoxdur. Onun fikrincə, həmin müşahidəçilər qüvvələrin təmas xətti boyunca yerləşdirilməlidir. Lavrov deyib: “Amma hələlik konsensus yoxdur”. Lakin nazir bu barədə fikir ayrılığının nədən ibarət olmasını dəqiqləşdirməyib.

Vüqar Seyidov

AZƏRTAC-ın xüsusi müxbiri

Hamburq

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.