İQTİSADİYYAT


Ləğv edilmiş 3 bankın kreditorlarının tələblərinin qeydə alınması prosesi başa çatıb

A+ A

Bakı, 23 noyabr, AZƏRTAC

“Kredobank”, “Dekabank” və “Parabank” ASC-lərin kreditorlarının tələblərinin qeydə alınması prosesi başa çatıb.

Əmanətlərin Sığortalanması Fondundan AZƏRTAC-a bildiriblər ki, Azərbaycan Respublikası 1 Saylı Bakı İnzibati-İqtisadi Məhkəməsinin 29.08.2016-cı il tarixli 2-1 (81)-3619/16 saylı qərarı ilə ”Kredobank” ASC müflis elan edilərək bank barəsində iflas proseduruna başlanılıb. Ləğv prosesində olan “Kredobank” ASC-nin kreditorlarının tələblərinin qeydə alınmasına sentyabrın 7-dən başlanılıb və noyabrın 7-də başa çatdırılıb.

Eyni zamanda, 1 Saylı Bakı İnzibati-İqtisadi Məhkəməsinin 22.07.2016-cı il tarixli qərarı ilə məcburi ləğv edilən “Dekabank” ASC-yə və 22.07.2016-cı il tarixli qərarı ilə “Parabank” ASC-yə qarşı avqustun 31-dən kreditorların tələblərin qeydiyyatına başlanıb və oktyabrın 31-də başa çatdırılıb. Bu tarixdən sonra tələblərin qeydiyyatı ilə bağlı müraciət edən kreditorların tələbləri ləğvedici tərəfindən qeydə alınmayacaq.

Qeyd edək ki, Azərbaycan Respublikasının Mülki Məcəlləsinin 61-ci maddəsinə uyğun olaraq, kreditorların tələblərinin irəli sürülməsi müddəti ləğvetmə haqqında ilk məlumatın dərc edildiyi gündən etibarən 60 gündən az ola bilməz.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.