REGİONLAR


Lənkəran Dövlət Dram Teatrında “Hacı Qara” komediyasının premyerası olub

A+ A

Lənkəran, 5 noyabr, Bağır Əliyev, AZƏRTAC

Nəcəf bəy Vəzirov adına Lənkəran Dövlət Dram Teatrında Azərbaycan dramaturgiyasının banisi Mirzə Fətəli Axundzadənin “Hacı Qara” komediyasının premyerası olub.

AZƏRTAC xəbər verir ki, dövlət sifarişi ilə hazırlanmış səhnə əsəri XIX əsrin 30-40-cı illərində Azərbaycan həyatının reallıqlarını əks etdirir.

Tamaşanın quruluşçu-rejissoru “Yuğ” Teatrının baş rejissoru Gümrah Ömər, rejissoru Tərlan Abdullayev, quruluşçu-rəssamı Ramazan Ağayev, bəstəkarı Zəminə Əliyevadır.

Əsas rolları Xalq Artisti Qabil Quliyev, Əməkdar artistlər Təvəkkül Əliyev və Sücəddin Mirzəyev, aktyorlar Əlibala Əsgərov, Qızılgül Quliyeva, Allahverən Babayev, Əbülfəz Axundov, Səyyad Əliyev, Aynur Əhmədova və başqaları ifa ediblər.

Qeyd edək ki, bu tamaşa Gümrah Ömərin Lənkəran Dövlət Dram Teatrının səhnəsində hazırladığı üçüncü səhnə əsəridir. Bundan əvvəl rejissor Lənkəran teatrında Əli Əmirlinin “Onun iki qabırğası” və Elçinin “Cəhənnəm sakinləri” əsərlərinə quruluş verib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.