REGİONLAR


Lənkəran Dövlət Teatrında yeni tamaşanın məşqlərinə başlanılıb

Lənkəran, 14 yanvar, Bağır Əliyev, AZƏRTAC

Nəcəf bəy Vəzirov adına Lənkəran Dövlət Dram Teatrında yazıçı-publisist Hafiz Mirzənin “Ay lolo və ya moskvalı gəlin” adlı komediyasının məşqlərinə başlanılıb.

AZƏRTAC xəbər verir ki, yeni səhnə əsərində hadisələr keçmiş sovetlər dövründə cərəyan edir.

Moskvada ordu sıralarında xidmət edən Güləli Vətənə qayıdarkən özü ilə Nataşa adlı bir qız da gətirir. Güləli anasının rus gəlinini qəbul etmədiyini gördükdə, o, Nataşanı etnoqraf tələbə kimi qələmə verir.

Bunun hiylə olduğunu başa düşən Güləlinin anası Nataşaya qəsdən elə bir həyat tərzi göstərir ki, o, buralardan baş götürüb geri qayıtsın. O, hətta cindar Mircəfərin köməyindən də yararlanaraq cindarın qarşısında dərviş Məstəli şah Parisi dağıtdığı kimi, Moskvanın dağıdılması tapşırığını qoyur.

Tamaşanın quruluşçu rejissoru Əməkdar Artist Adil Zeynalov, rejissoru Əlibala Əsgərov, quruluşçu rəssamı Məzaim Qurbanov, musiqi tərtibatçısı Fərahim Fərəcovdur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.