REGİONLAR


Lənkəran-Lerik avtomobil yolunda torpaq sürüşməsi baş verib

A+ A

Lerik, 21 sentyabr, Bağır Əliyev, AZƏRTAC 

Son günlər cənub bölgəsinə yağan intensiv yağışlardan sonra Lerik rayonunda yenidən torpaq sürüşməsi qeydə alınıb.

AZƏRTAC xəbər verir ki, hadisə Lənkəran-Lerik avtomobil yolunun 27-ci kilometrliyində baş verib.

Dağlardan gələn lil-palçıq avtomobil yoluna tökülərək nəqliyyat vasitələrinin hərəkətində çətinliklər yaradıb.

Eni 6 metr olan yolun üst qatı da sürüşməyə məruz qalıb. Nəticədə, yol daralıb. 43 saylı Lerik Rayon Yol İstismarı Sahəsinin rəisi Elxan Əliyevin verdiyi məlumata görə, hadisə yerinə ağır texnika və canlı qüvvə cəlb olunub. Yolun yuxarı hissəsində avtonəqliyyat vasitələrinin normal hərəkət etməsi üçün yeni zolaq açılır.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.