REGİONLAR


Lənkəran şəhərində gənclərin fiziki inkişafına yönəlmiş layihə həyata keçirilib

Lənkəran, 15 iyul, Bağır Əliyev, AZƏRTAC

Cənub bölgəsində gənclərin fiziki inkişafına yönəldilmiş təşəbbüslər layihəsi çərçivəsində Lənkəran şəhərinin müxtəlif ərazilərində idman qurğuları və uşaqların əylənməsi üçün avadanlıqlar quraşdırılıb.

Layihə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Qayğı” Uşaq Hüquqlarının Müdafiəsinə Yardım İctimai Birliyi tərəfindən həyata keçirilib.

AZƏRTAC xəbər verir ki, iyulun 14-də layihənin yekunu ilə əlaqədar keçirilən mətbuat konfransında çıxış edənlər bu cür tədbirlərin gənclərin fiziki sağlamlığında, onların asudə vaxtlarının səmərəli təşkilində önəmindən danışıblar. Bildirilib ki, layihənin məqsədi cənub bölgəsində yaşayan gənclərin fiziki sağlamlıqlarının inkişafı üçün şərait yaratmaqla onların həyat səviyyəsini yüksəltmək və sağlam vətəndaş cəmiyyətinin formalaşmasına dəstək olmaqdır.

Mətbuat konfransında belə layihələrin digər ərazilərdə də reallaşdırılmasının vacibliyindən bəhs olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.